பொறியியல் இடங்களை ONLINE லேயே தேர்வுசெய்துகொள்ளலாம்: (Tamil Nadu Engineering Counselling Online)

வரும் கல்வியாண்டு முதல் (2018-2019) இன்ஜினியரிங் (B.E, B.Tech) மாணவர் சேர்க்கை ஆன்லைன் கவுன்சிலிங் மூலம்  நடத்தப்படும் இதற்க்காக தமிழகம் முழுவதும் 44 உதவி மையங்கள் அரசு கல்லூரிகளில் அமைக்கப்படும், என, உயர் கல்வித்துறை அமைச்சர் கே. பி. அன்பழகன் தெரிவித்திருக்கிறார். மேலும் அவர் கூறியதிலிருந்து....

கடந்த ஆண்டு வரை மாணவர்களைச் சேர்ப்பதற்கான, ஒற்றை சாளர கவுன்சிலிங், சென்னை, அண்ணா பல்கலை வளாகத்தில் நடத்தப்பட்டு வந்தது, மாணவர்களும் பெற்றோரும் நேரடி கலந்தாய்விற்கு சென்னை சென்று வர வேண்டிய நிலைமை இருந்தது. ஆனால் வரும் கல்வி ஆண்டில் இருந்து, அதாவது 2018 ஜூன் முதல், மாணவர் சேர்க்கையை, ஆன்லைனில் நடத்த, உயர் கல்வித்துறை முடிவு செய்துள்ளது.

 மாணவர்கள், தங்கள் வீட்டில் இருந்து, கணினி வழியாக விண்ணப்பித்து, ஆன்லைனில் விருப்ப பாடம் மற்றும் கல்லுாரிகளை தேர்வு செய்யலாம், சான்றிதழ் சரிபார்ப்பிற்காக உதவி மையம் சென்றாக வேண்டும்.

கிராமப்புறங்களில் உள்ள மாணவர்கள் பயன்பெறும் வகையில் அரசு பொறியியல் மற்றும் தொழில்நுட்ப கல்லூரிகள், அண்ணா பல்கலைக்கழக கல்லூரிகள் ஆகியவற்றில் மாணவர் சேர்க்கைகாக 44 உதவி மையங்கள் மாவட்ட வாரியாக அமைக்கப்படும். மாவட்டத்தின் அளவைப் பொறுத்து மாவட்டந்தோறும் 1 அல்லது 2 மையங்கள் அமைக்கப்படும். இந்த உதவி மையங்களில், எந்த காரணத்திற்க்காகவும், தனியார் கல்லுாரிகள் ஈடுபடுத்தப்பட மாட்டாது.

இந்த மையங்களை, கவுன்சிலிங் நாளுக்கு மட்டுமின்றி, விண்ணப்பங்களை ஆன்லைனில் பதிவு செய்யவும் பயன்படுத்தலாம்; அதற்கும் வசதிகள் செய்யப்படும்.

கவுன்சிலிங்குக்கான தேதி, விண்ணப்ப பதிவு துவங்கும் நாள், கடைசி நாள், துணை கவுன்சிலிங் துவங்கும் தேதி, &'ரேண்டம்&' எண் மற்றும் தரவரிசை வெளியிடப்படும் தேதி போன்றவை, விரைவில் அறிவிக்கப்படும். 

கவுன்சிலிங் தொடர்பாக, விரிவான வழிகாட்டுதல், அண்ணா பல்கலையால் வழங்கப்படும். மேலும், கவுன்சிலிங்குக்கு பதிவு செய்வோருக்கு, சான்றிதழ்சரிபார்ப்பு நாளில், கல்லுாரிகளின் பட்டியல் அடங்கிய, கையேடுகள் தரப்படும். அதில் இருந்து, கல்லுாரிகளின் பதிவு எண், பெயர், மாவட்டம் போன்றவற்றை தெரிந்து கொள்ளலாம். 

விளையாட்டு வீரர்கள், மாற்றுதிறனாளிகள், தொழிற்துறை படிப்பை முடித்தவர்கள் உள்ளிட்டோறுக்கான கலந்தாய்வும், துணை கலந்தாய்வும் நேற்முக கலந்தாய்வாக நடைபெறும்.

மேலும், கவுன்சிலிங்கை எப்படி அணுகுவது என்ற வழிகாட்டுதல், விண்ணப்ப படிவத்தின் மாதிரி, நிரப்பும் முறை போன்றவை, தமிழ்நாடு இன்ஜி., கவுன்சிலிங் இணையதளத்தில், விரைவில் வெளியிடப்படும்.

கவுன்சிலிங் நடக்கும் முறை :

ஆன்லைன் முறையில் இன்ஜி., கவுன்சிலிங் முறை குறித்து, தமிழ்நாடு இன்ஜினியரிங் மாணவர் சேர்க்கை கமிட்டி உறுப்பினர் செயலர், ரைமண்ட் உத்தரியராஜ் கூறியதாவது:

* முதற்கட்டமாக, விண்ணப்ப பதிவு தேதி அறிவிக்கப்படும். மாணவர்கள், தங்கள் வீட்டில் உள்ள கணிணி வழியாகவோ, அரசின் கவுன்சிலிங் உதவி மையங்கள் வழியாகவோ விண்ணப்பிக்கலாம்.

* ஒவ்வொரு மாணவரும், பயனாளர் அடையாள குறியீடு மற்றும் ரகசிய எண்ணை, தமிழ்நாடு இன்ஜி., கவுன்சிலிங் இணையதளத்தில் தயாரித்து கொள்ள வேண்டும். விண்ணப்பத்தின் ஒவ்வொரு நடவடிக்கையும், ஆன்லைனில் பதிவு செய்யபடும். 

* விண்ணப்ப பதிவுக்கு பின், விண்ணப்பங்கள் பரிசீலிக்கப்பட்டு, மாணவர்களுக்கு சான்றிதழ் சரிபார்ப்பு நடக்கும். 

அனைவருமே (வீட்டில்இருந்தே ஆன் லைனில் பதிவு செய்தவர்களும் மற்றும்  உதவி மையத்தில் பதிவு செய்தவர்களும்) சான்றிதழ் சரி பார்ப்புக்கு உதவி மையம் வர வேண்டும். அசல் மதிப்பெண் சான்றிதழ்கள் மற்றும் அதன் நகல்கள், புகைப்படத்துடன் வரவேண்டும்

* பின், மதிப்பெண் தரவரிசையை உறுதி செய்வதற்கான, ரேண்டம் எண்; தரவரிசை பட்டியல் அடுத்தடுத்து வெளியாகும். தர வரிசையின்படி, ஐந்து சுற்றுகளாக மாணவர்கள் பிரிக்கப்பட்டு, ஆன்லைன் கவுன்சிலிங் நடக்கும். ஒவ்வொரு மாணவருக்கும், ஐந்து நாட்கள் கவுன்சிலிங் நடவடிக்கைகள் இருக்கும்.

* முதல் மூன்று நாட்கள், விருப்பமான கல்லுாரி மற்றும் பாடப்பிரிவை, ஆன்லைனில் பதிவு செய்ய வேண்டும். விருப்ப பட்டியலில், ஒவ்வொரு மாணவரும், கணினியில் காட்டும் கல்லுாரிகள் மற்றும் இடங்களில், விருப்பப் பட்ட எண்ணிக்கையில், கல்லுாரிகளை தேர்வு செய்யலாம்

* முதல் நாள் முதல், மூன்றாம் நாள் மாலை, 6:00 மணி வரை, விருப்ப பதிவுக்கு, 66 மணி நேரம் அவகாசம் தரப்படும். 

* மூன்றாம் நாளில், மாலை, 6:00 மணியுடன் விருப்ப பட்டியல் பக்கம், &'லாக்&' செய்யப்படும். அன்று இரவே, மாணவர்களுக்கான தோராய மான இட ஒதுக்கீட்டை, இன்ஜி., கமிட்டி, ஆன்லைனில் வழங்கும். மாணவர்கள் அதை பார்த்து, நான்காம் நாளில் உறுதி செய்து, ஆன்லைனில் பதில் அளிக்க வேண்டும்.

* ஐந்தாம் நாளில், அவர்கள் உறுதி செய்த இடம் ஒதுக்கப்பட்டு, டிஜிட்டல் ஒதுக்கீட்டு ஆணை வழங்கப்படும். ஒரு முறை ஒதுக்கீடு பெற்றவர் கள், அதை ரத்து செய்யலாம்; மீண்டும் கவுன்சிலிங்கில் பங்கேற்க முடியாது.

* தரவரிசைப்படி, மாணவர்களுக்கு ஒதுக்கபட்ட நாட்களில், ஆன்லைன் கவுன்சிலிங்கில் பங்கேற்காதவர்களின் பெயர், மதிப்பெண் அடிப்படையில், அடுத்த சுற்றுக்கு வந்துவிடும். அடுத்த சுற்றில், எந்த கல்லுாரிகளில் இடங்கள் இருக்கிறதோ அவற்றில், இடத்தை தேர்வு செய்து கொள்ளலாம்.

--தினமலர் மற்றும் தினமணியிலிருந்து.


தொடர்புடைய  பதிவுகள்:
கலந்தாய்வில் கல்லூரிகளை எப்படித் தேர்ந்தெடுப்பது? 
கல்லூரியில் படிக்கும் காலத்தில் இவைகளை கடைபிடித்தால் நன்று

 

மரபு விளையாட்டுகளை பாடத்திட்டத்தில் சேர்க்க வேண்டும்!

நம் நாட்டில் விளையாட்டில் ஆர்வம் காட்டி வந்தாலும் வல்லவர்களை உருவாக்கும் வண்ணம் போதிய கருத்து செலுத்துவதில்லை. புதிய விளையாட்டுகளில் கருத்து செலுத்தும் நாம் மனத்திற்கும் உடலுக்கும் வலுவைச்சேர்க்கும் பரம்பரை விளையாட்டுகளைப் புறக்கணிக்கின்றோம். அவ்வாறில்லாமல் மரபு விளையாட்டுகளுக்கு முதன்மை அளிக்க வேண்டும்.

 சிறுவர், சிறுமி விளையாட்டுகள்,

மகளிர் விளையாட்டுகள்

ஆடுவர் விளையாட்டுகள்

இரு பாலர் விளையாட்டுகள்

முதியோர் விளையாட்டுகள்

நீர் விளையாட்டுகள்

மனையக வியைாட்டுகள்

வீர விளையாட்டுகள்

ஆடற்கலை சார்ந்த விளையாட்டுகள்

என விளையாட்டுகளை  பல வகைகளாகப் பிரிக்கலாம்.

பழந்தமிழர் விளையாட்டுகள் என்றால் எப்பொழுதோ விளையாடிய விளையாட்டு என்று எண்ண வேண்டாம்.  பழந்தமிழர் விளையாட்டுகள் என்றாலும் கடந்த நூற்றாண்டு தொடக்கத்திலும் விளையாடப்பட்ட விளையாட்டுகள் இவை.  செக்கிழுத்த செம்மல் தமிழறிஞர் வ.உ.சிதம்பரனார் அவர்கள், தாம் ஆடிய விளையாட்டுகளாகப் பல விளையாட்டுகளைக் குறிப்பிட்டிருப்பார். அவ்வாறு கடந்த நூற்றாண்டில் பள்ளியில் சிறாருக்கேற்ற மரபார்ந்த விளையாட்டுகள் பயிற்றுவிக்கப்பட்டன. காலங்காலமாக நாம்ஆடிவந்த விளையாட்டுகளில்  சிலவற்றைப் பார்க்கலாம்.

இவை மட்டுமல்ல, வீர விளையாட்டுகள் முதலான தலைப்புகளின் கீழ் நாம் பார்த்தால்  மேலும் நூற்றுக்கணக்கான விளையாட்டுகளை அறிய இயலும். 

இவற்றுள் இளஞ்சிறார் விளையாட்டுகளைத் தொடக்கத்தில் கற்றுத்தர வேண்டும். உச்சரிப்பு விளையாட்டு, வினா விடை விளையாட்டு முதலான மொழி சார்விளையாட்டுகள், மாணாக்கர்களின் அறிவுத்திறனையும் நிறைவாற்றலையும் வளர்ப்பன. அவற்றைத் தொடக்கப்பள்ளியிலேயே கற்றுத் தர வேண்டும். 

மாணாக்கர்களின் அகவைக்கேற்ற விளையாட்டுகளைப் பகுத்து விளையாட்டுப் பயிற்சி அளிக்கப் பள்ளிக்கல்வித்துறை ஆவன செய்ய வேண்டும்.  விளையாட்டு என்பது  உடற்பயிற்சிக்கானதும் பொழுதுபோக்கிற்கானது மட்டுமன்று. வாழ்நாள் முழுவதும் சிறப்பு  தரும் கல்வியுமாகும்.

மரபு விளையாட்டுகளைப் பாடத்திட்டத்தில் சேர்க்க வேண்டும்! – இலக்குவனார் திருவள்ளுவன் 

http://www.akaramuthala.in/-அகர முதல -அனைத்தும் அறிவோம்! அன்னைத் தமிழில்! 

தொடர்புடைய பதிவுகள்:
தமிழர் வாழ்க்கை முறையை கற்றுத்தர ஒரு பள்ளி  
கண் குறைபாடு நிவர்த்தி மற்றும் குழந்தைகள் கல்வி, உளவியல் பற்றிய காணொளிகள் 
நவோதயா பள்ளிகளின் சிறப்புகள் 
பள்ளிக்கு போகாமலே.......தேசிய திறந்த நிலை பள்ளிக்கல்வி (NIOS) 
கலந்தாய்வில் கல்லூரிகளை எப்படித் தேர்ந்தெடுப்பது?  
நில், கவனி, செல்! கல்வியிலும் வேண்டும் 
கல்லூரியில் படிக்கும் காலத்தில் இவைகளை கடைபிடித்தால் நன்று 
உயர்கல்விக்குப் பிறகான வேலை வாய்ப்புகள்  
WHAT AFTER 10 & 12?  

  

தமிழர் வாழ்க்கை முறையை கற்றுத்தர ஒரு பள்ளி

பரபரப்பும் அவசரமும் நிறைந்த வாழ்க்கையைச் சுமந்து கொண்டு, தங்கள் பண்பாட்டையும், பாரம்பரியத்தையும் இழந்துவிட்டு எதை நோக்கியோ இலக்கற்று ஓடிக்கொண்டிருக்கிறார்கள் தமிழர்கள். கரகாட்டம், பறையாட்டம், கும்மி, காவடி, மயிலாட்டம், கோலாட்டம், ஒயிலாட்டம், தேவராட்டம், பொம்மலாட்டம், பொய்க்கால் குதிரை, தெருக்கூத்து போன்ற வண்ணமயமான கலைகளும், கபடி, சிலம்பம், வளரி (பூமராங்), வாள் சண்டை, வடம் இழுத்தல், ஈட்டி எறிதல், வழுக்கு மரம் ஏறுதல், வில் அம்பு எய்தல் போன்ற தமிழ் பண்பாடு மணக்கும் விளையாட்டுகளும் இன்றுள்ள பிள்ளைகளுக்கு அந்நியமாகிவிட்டன.

பாடப்புத்தகங்களின் அழுத்தத்தில் தவிக்கும் பிள்ளைகளுக்கு இதைப்பற்றியெல்லாம் யோசிக்கவோ, கற்றுக்கொள்ளவோ நேரமில்லை. கற்றுத்தரவும் யாருமில்லை. இந்தப் பேரவலத்தைப் போக்குவதற்காகவே டாக்டர் ப்ரீத்தா நிலா ‘கற்றல் இனிது’ வாழ்வியல் பள்ளியைத் தொடங்கியிருக்கிறார்.

கற்றல் இனிது 

"கற்றல் இனிது" பள்ளி செயல்பாடுகள்:

தேனி மாவட்டம், வீரபாண்டியில் செயல்படும் இந்தப் பள்ளியில் தமிழர் கலைகள், கதை சொல்லல், பாரம்பரிய வேளாண்மை, சிறுதானிய சமையல் முறை, பாரம்பரிய வைத்திய முறை என நம் மூதாதையர்கள் வாழ்ந்த அத்தனை வாழ்க்கை முறைகளையும் கற்றுத்தருகிறார்கள்.

கலைகள், விளையாட்டுகள் தவிர, விவசாயத்தின் அவசியம், விவசாயம் குறித்த விழிப்புணர்வு, இயற்கை விவசாய முறைகள், வீட்டுத் தோட்டம், மாடித் தோட்டம் அமைத்தல், உயிர் உரங்கள், மண்புழு உரம் போன்றவைகளைத் தயாரித்தல் போன்றவைகளும், நோய் வராமல் உடல் நலனைப் பாதுகாத்தல், இயற்கை மருந்துகளைப் பயன்படுத்தல், மன நலனுக்கான பல்வேறு கதைகளை மாணவர்களுக்குச் சொல்லுதல் போன்றவைகளும் இந்த பள்ளியில் கற்றுத்தரப்படுகின்றன.

‘கற்றல் இனிது’ பள்ளி இருக்கும் சூழலே ஈர்க்கிறது. தென்னந்தோப்புக்கு மத்தியில் ஒரு மைதானம். ஒருபுறம் அழகிய நதி ஓடிக்கொண்டிருக்கிறது. மறுபுறம் புல்வெளியால் நிரம்பியிருக்கிறது. “அண்மையில் கோடைகாலப் பயிற்சிகள் நிறைவடைந்தன.

"இப்போது சனி, ஞாயிறு களில் வகுப்புகள் நடக்கின்றன. தொடக்கத்தில் மாணவர்களுக்கு மட்டுமே பயிற்சி என்று நிர்ணயித்தோம். ஆனால், நிறைய பெரியவர்கள் எங்களுக்கும் பயிற்சி தாருங்கள் என்றார்கள். அதனால் இப்போது அந்த விதிமுறையைத் தளர்த்தியிருக்கிறோம். தேர்ந்த கலைஞர்களும், தொழில்நுட்ப வல்லுநர்களும் பயிற்சிகளை வழங்குகிறார்கள். அவர்களுக்குத் தருவதற்காக மிகக்குறைந்த கட்டணம் வசூலிக்கப்படுகிறது. தகுந்த சூழல் வாய்க்கும்போது இந்த பள்ளி முற்றிலும் இலவசப் பள்ளியாக இயங்கும்" என்கிறார் டாக்டர் ப்ரீத்தா.

மதிப்பெண்களைத் தேடி....

“இன்றைய பெற்றோர்கள், தங்கள் குழந்தைகளிடம் என்ன திறன் இருக்கிறது? அந்தத் திறனை எப்படி மேம்படுத்துவது? என்பதைப் பார்க்காமல் அதிக மதிப்பெண்களைத் தேடி ஓடும் பந்தயக் குதிரைகளாக மாற்றிக் கொண்டிருக்கின்றனர். பணம் சேர்ப்பவர் தான் வெற்றியாளர்கள் எனும் தவறான சித்தாந்தம் உருவாகிவிட்டது.

மதிப்பெண் வேட்டைக்காக, அரசுப் பள்ளிகளிலிருந்து, ஆங்கிலவழிப் பள்ளிகள், தனியார் பள்ளிகளில் பிள்ளைகளைத் தள்ளுகிறார்கள். இதனால் புத்தகப்படிப்பு ஒன்றில் மட்டுமே தங்கள் முழுக்கவனத்தையும் செலுத்தும் மாணவர்கள் நடைமுறை வாழ்க்கைக்குத் தேவையான வேறு எந்தத் திறனையும் வளர்த்துக்கொள்ள முடிவதில்லை. பள்ளி, கல்லூரிகளில் முதலிடம் பெற்ற மாணவர்கள் கூட, தங்கள் வாழ்க்கையில் நல்லதொரு வெற்றியைப் பெறமுடிவதில்லை என்பதுதான் இன்றைய நிலை.  

பள்ளியும் கல்லூரியும் திணிப்பது என்ன?

வாழ்க்கையின் வெற்றிக்குத் தேவையான பல்வேறு திறன்களை பள்ளிக்கும், கல்லூரிக்கும் வெளியில்தான் கற்றுக்கொள்ள வேண்டி யிருக்கிறது. அனைவருடனும் இயல்பாகப் பழகும் திறன், சிந்திக்கும் திறன், தகவல் பரிமாற்றத் திறன், ஆளுமைத் திறன், தொழில்நுட்பத் திறன், எதையும் ஏற்றுக்கொள்ளும் திறன் என்று வாழ்க்கைக்குத் தேவையான எத்தனையோ அடிப்படைத் திறன்கள் இருக்கின்றன. இவைகளையெல்லாம், பள்ளிகளிலோ, கல்லூரிகளிலோ கற்றுக் கொள்ளக்கூடிய சூழல் தற்போது இல்லை. 

மனப்பாடம் செய்து படிக்கும் வழிமுறையை மட்டுமே ஆசிரியர்கள் கற்பித்துக் கொண்டிருக்கிறார்கள். இதனால் மாணவர்கள் பல்வேறு மன அழுத்தங்களுக்கு ஆளாகி அவதிப்படுன்றனர். எந்த ஒரு தோல்வியையும் ஏற்றுக் கொள்ளக்கூடிய மனநிலையோ, எதிர்கொள்ளும் துணிவோ சிறிதுகூட இருப்பதில்லை.

உடல், மன நலன்களுக்கு நாம் என்ன செய்கிறோம்?

இன்றைய மாணவர்களிடத்தில் உடல் நலனுக்கான விளையாட்டுகளோ, மன நலனுக்கான பயிற்சிகளோ இல்லாமல் போய்விட்டது. ஓடியாடி விளையாடுவதை விட்டுவிட்டு, ஒரே இடத்தில் அமர்ந்து கம்ப்யூட்டரிலும். மொபைல் போனிலும் விளையாடிக் கொண்டிருக்கிறார்கள். இந்த விளையாட்டுகளில் பல வன்முறையான செயல்களை மையமாகக் கொண்டதாகவே அமைக்கப்பட்டிருக்கின்றன. இந்த மின்னணுச் சாதன விளையாட்டுகளும் மாணவர்களை மன அழுத்தங்களுக்கே உள்ளாக்குகின்றன.  

தமிழர் வாழ்க்கை முறையை கற்றுத்தர ஒரு பள்ளி

- தேனி மு. சுப்பிரமணி

தொடர்புடைய பதிவுகள்:
மரபு விளையாட்டுகளைப் பாடத்திட்டத்தில் சேர்க்க வேண்டும்! 
கண் குறைபாடு நிவர்த்தி மற்றும் குழந்தைகள் கல்வி, உளவியல் பற்றிய காணொளிகள் 
நவோதயா பள்ளிகளின் சிறப்புகள் 
பள்ளிக்கு போகாமலே.......தேசிய திறந்த நிலை பள்ளிக்கல்வி (NIOS) 
கலந்தாய்வில் கல்லூரிகளை எப்படித் தேர்ந்தெடுப்பது?  
நில், கவனி, செல்! கல்வியிலும் வேண்டும் 
கல்லூரியில் படிக்கும் காலத்தில் இவைகளை கடைபிடித்தால் நன்று 
உயர்கல்விக்குப் பிறகான வேலை வாய்ப்புகள்  
WHAT AFTER 10 & 12? 

கண் குறைபாடு நிவர்த்தி மற்றும் குழந்தைகள் கல்வி, உளவியல் பற்றிய காணொளிகள்

கண்ணாடி அணிந்து துன்புறும் மக்களுக்கு எளிய பயிற்சி முறை மற்றும் மருத்துவம்.

 இதை குடித்தால் கண்ணாடியே போட வேண்டாம். - ஹீலர் பாஸ்கர்  

ஒரே மாதத்தில் கண்ணாடி இல்லாமல் நல்ல கண்பார்வை கிடைக்க எளிய பயிற்சி - இயற்கை வாழ்வியல்,நேத்திர சுத்தி

Kan paarvai nandraga பாரம்பரிய வைத்தியர் Dr.ராஜமாணிக்கம் கண் பார்வை நன்றாக நேரடி மருத்துவம்

கண் பார்வை குறைபாடுகளை சரி செய்ய...Mudra for eye issues ..Ayya Pasukkanna


குழந்தைகளை ஜெயில் போல் ஸ்கூலில் அடைக்கலாமா?.....

• துள்ளி விளையாடும் பிஞ்சு குழந்தைகளை ஜெயில் போல் ஸ்கூலில் அடைக்கலாமா?. 

• நாம் என்னென்ன தவறு செய்கிறோம்? 

• முதல் ஏழு வருடங்கள் குழந்தைகளுக்கு கற்றுத்தருவது என்ன என்பதை பொறுத்துதான் அவர்களின் வாழ்க்கை அமையும்.

தெரிந்து கொள்ளுங்கள். -- காயத்ரி இளங்கோ (Child Psychologist) அவர்களின் 11 மற்றும் 13 நிமிட காணொளிகள்.

Gayatri Ilango - Child Psychologist  100% ORGANIC SCHOOL 

தொடர்புடைய பதிவுகள்:
தமிழர் வாழ்க்கை முறையை கற்றுத்தர ஒரு பள்ளி  
வாழ்வியல் கலை விளையாட்டு!
மரபு விளையாட்டுகளைப் பாடத்திட்டத்தில் சேர்க்க வேண்டும்!  
வழிகாட்டினால் போதும்; குழந்தைகள் கற்றுக் கொள்வர்!
பெற்றோர்களுக்காக

நவோதயா பள்ளிகளின் சிறப்புகள்:

ஒய்.ஆர்.ஜான்சன்: நாட்டின் முதல் நவோதயா பள்ளியின்முதலாவது முதல்வராக பணியாற்றியவர்.

 

ஜவஹர் நவோதயா பள்ளியின் தோற்றம் :

• முன்னாள் பிரதமர் ராஜீவ்காந்தி அவர்களின் கனவுத் திட்டமான நவோதயா பள்ளியை அன்றைய மனிதவள மேம்பாட்டுத் துறை அமைச்சர் பி.வி.நரசிம்மராவ் தொடங்கி வைத்தார்.

• டூன் பள்ளியில் படித்த ராஜீவ்காந்தி அவர்கள் அதுபோன்ற உறைவிடப் பள்ளியை நாடு முழுவதும் தொடங்க வேண்டும்; அதில் கிராமப்புற ஏழை மாணவர்களைப் படிக்கவைக்க வேண்டும் என கனவு கண்டார். அந்த கனவின் விளைவாகத் தோன்றியதுதான் ஜவஹர் நவோதயா பள்ளிகள்.

(டேராடூனில் உள்ள புகழ்பெற்ற டூன் பள்ளி( The Doon School): தொழிலதிபர்கள், அரசியல்வாதிகள், அரச குடும்பத்தினர் என பெரும் செல்வந்தர்களின் குழந்தைகள் படிக்கும் பள்ளி)

• நாட்டின் முதல் ஜவஹர் நவோதயா பள்ளி மகாராஷ்டிர மாநிலம் அமராவதியில் 1986-ல் தொடங்கப்பட்டது.

• இன்று தமிழகத்தை தவிர, நாடு முழுவதும் சுமார் 600 நவோதயா பள்ளிகள் உள்ளன.

இட ஒதுக்கீடு மற்றும் பயிற்று மொழி:

• நவோதயா பள்ளிகளில் 75 சதவீதம் கிராமப்புற மாணவர்களை மட்டுமே சேர்க்க வேண்டும். பெண் குழந்தைகளுக்கு 33 சதவீதம், எஸ்.சி. - 15 சதவீதம், எஸ்.டி. - 7.5 சதவீதம், மாற்றுத்திறனாளிகளுக்கு 3.5 சதவீதம் என இட ஒதுக்கீடு உண்டு.

• 6 முதல் 12-ம் வகுப்பு வரை உணவு, விடுதி வசதி, சீருடை, புத்தகங்கள் என அனைத்தும் இலவசம்.

• 6-ம் வகுப்பில் சேர வேண்டுமானால், 5-ம் வகுப்பு வரை எந்த பயிற்றுமொழியில் படித்தார்களோ, அந்த மொழியிலேயே நுழைவுத்தேர்வு எழுதலாம்.

• நவோதயா பள்ளிகள் அனைத்திலும் ஆங்கிலம்தான் பயிற்றுமொழி. 2-வது மொழிப் பாடமாக அந்தந்த மாநில மொழிகள் இருக்கும்.

• புதுச்சேரியில் உள்ள நவோதயா பள்ளிகளில் தமிழ் கட்டாயப் பாடமாக இருக்கிறது. அங்குகூட இந்தி என்பது விருப்பப் பாடமாக மட்டுமே உள்ளது. அதில் தேர்ச்சி பெற வேண்டிய கட்டாயம்கூட இல்லை. எந்த பள்ளியிலும் சமஸ்கிருதம் கிடையாது.

தேசிய ஒருமைப்பாடு:

• 9-ம் வகுப்பு மாணவர்களை வேறு மாநிலத்தில் உள்ள பள்ளிக்கு மாற்றுவார்கள். அவர்கள் அந்த ஓராண்டு முழுவதும் அங்கு படிப்பார்கள். தேசிய ஒருமைப்பாட்டை மாணவர்கள் உணர்வதற்காக இந்த ஏற்பாடு.

• நவோதயா என்பது மாதிரி பள்ளிகளாகும். இப்பள்ளி மூலம் அந்த மாவட்டத்தில் உள்ள மற்ற அரசுப் பள்ளி ஆசிரியர்களுக்கு பயிற்சி அளிக்க முடியும்.

இப்படி நாடு முழுவதும் கிராமப்புற ஏழை மாணவர்களுக்கு கிடைக்கும் அரிய பல வாய்ப்புகள் தமிழக மாணவர்களுக்கு மட்டும் கிடைக்காமல் இருப்பது என் மனதை உறுத்திக்கொண்டே இருந்தது. எனவேதான், தமிழகத்தில் நவோதயா பள்ளிகளைத் தொடங்க உத்தரவிடுமாறு உயர் நீதிமன்ற மதுரை கிளையில் வழக்கு தொடர்ந்து வெற்றியும் பெற்றுள்ளேன். 

தமிழகத்தில் நவோதயா பள்ளிகளைத் தொடங்க மாநில அரசு அனுமதி வழங்க வேண்டும் என்ற நல்ல தீர்ப்பை உயர் நீதிமன்ற மதுரை கிளை தற்போது வழங்கியிருக்கிறது.

--தமிழ் ஹிந்து நாளிதழிலிருந்து
ராஜீவ்காந்தியின் கனவு திட்டம்..: நவோதயா பள்ளியால் நாடு முழுவதும் தமிழ் வளரும் 

தொடர்புடைய பதிவுகள்:
மரபு விளையாட்டுகளைப் பாடத்திட்டத்தில் சேர்க்க வேண்டும்! 
தமிழர் வாழ்க்கை முறையை கற்றுத்தர ஒரு பள்ளி
கண் குறைபாடு நிவர்த்தி மற்றும் குழந்தைகள் கல்வி, உளவியல் பற்றிய காணொளிகள்  
பள்ளிக்கு போகாமலே.......தேசிய திறந்த நிலை பள்ளிக்கல்வி (NIOS) 
கலந்தாய்வில் கல்லூரிகளை எப்படித் தேர்ந்தெடுப்பது?  
நில், கவனி, செல்! கல்வியிலும் வேண்டும் 
கல்லூரியில் படிக்கும் காலத்தில் இவைகளை கடைபிடித்தால் நன்று 
உயர்கல்விக்குப் பிறகான வேலை வாய்ப்புகள்  
WHAT AFTER 10 & 12?  

பள்ளிக்கு போகாமலே.......தேசிய திறந்த நிலை பள்ளிக்கல்வி (NIOS):

பள்ளிக்கு போகாமலே, 'பாஸ்' ஆகும், மாற்று முறை கல்வி குறித்து கூறும், பிரதீப் - பாலகார்த்திகா தம்பதி:

இன்றைய கல்வி முறை, மனப்பாடத்தை மட்டுமே ஊக்குவிக்கும் முறையாக மாறி விட்டது. பல பள்ளிகளில் பாடங்களைச் சரிவர நடத்தாமலே, கேள்வி-- பதில்களை மனப்பாடம் செய்து, மதிப்பெண் பெற வைக்கின்றனர். விளையாட்டு, வேடிக்கை எதுவும், இன்றைய குழந்தைகளின் வாழ்வில் இல்லை. எங்கள் குழந்தைகளை மதிப்பெண் வாங்கும் இயந்திரமாக மாற்ற, நாங்கள் விரும்பவில்லை. எனவே, மத்திய அரசின் மனிதவள துறையின் கீழ் இயங்கும், தன்னாட்சி பெற்ற நிறுவனமான, தேசிய திறந்த நிலை பள்ளி நிறுவனத்தில் சேர்த்து உள்ளோம். (National Institute of Open Schooling)

• இங்கு, ஆரம்ப, அடிப்படை கல்வி, 8ம் வகுப்புக்கு சமமானது. உயர்நிலை, மேல்நிலை கல்வியை, வீட்டில் இருந்தவாறே படிக்கலாம். 

• இதில், நமக்கு பிடித்த பாடங்களை தேர்ந்தெடுக்கும் வசதி உள்ளது. 

• 10ம் வகுப்பிலேயே ஆங்கிலம், தமிழ், ஹிந்தி முதலான, 17 மொழிகளில் விருப்பப்பட்ட ஒன்று அல்லது இரண்டு மொழிகளை தேர்வு செய்யலாம். 

• கணிதம், அறிவியல், பொருளியல், வணிகவியல், ஓவியம், கணக்குப் பதிவியல் போன்ற, 11 பாடங்களில், 3 - 5 வரை தேர்ந்தெடுத்து படிக்கலாம்.

• மேல்நிலையில் ஒன்பது மொழிகளும், 33 பாடத் துறைகளும் உள்ளன.

• உயர்நிலை மற்றும் மேல்நிலை வகுப்பில், நம் விருப்பத்திற்கும், ஆர்வத்திற்கும் ஏற்ற வகையில், 5 - 7 பாடங்களில் தேர்வு எழுதலாம்.

என் மகனுக்கு கணக்கு, அறிவியலில் மிகவும் ஆர்வம்; வரலாறு என்றாலே வேப்பங்காய். இப்போது அவன் கணிதம், அறிவியலுடன், உளவியல் அல்லது வணிகவியல் படிக்கலாம் என்றதும், மிகவும் மகிழ்ச்சியாக இருக்கிறான்.
அடுத்ததாக, இந்த முறை படிப்பால் நேரம், தாங்கள் விரும்பியவற்றை கற்கும் வசதியும், சுதந்திரமும் இருக்கிறது.  

• இந்திய மெடிக்கல் கவுன்சில், ஐ.ஐ.டி., முதலான பொறியியல் கல்லுாரிகளுக்கான குழுமம், அனைத்துப் பல்கலைக்கழகங்கள் எல்லாவற்றிலும் அங்கீகாரம் பெற்ற அமைப்பு இது (NIOS). 

• எனவே, இங்கு, 10ம் வகுப்பு முடித்தவர்கள், எந்த மாநிலத்தில் உள்ள பள்ளியிலும், பிளஸ் 1 சேர முடியும்.மேல்நிலைப் படிப்பை முடித்தவர்கள், தாங்கள் தேர்ந்தெடுத்த விருப்ப பாடத்திற்கேற்ப, மருத்துவமோ, பொறியியலோ, வணிகவியல் சார்ந்த படிப்புகளையோ தொடர முடியும்.  

இந்தாண்டு, சென்னையில் இருந்து, ஐ.ஐ.டி., நுழைவுத் தேர்வில் முதலிடம் பிடித்தவர், தேசிய திறந்தநிலை பள்ளி மாணவர் தான். தங்கள் பிள்ளைகளுக்கு சமூகத்தில் பழக வாய்ப்பு தர வேண்டியது பெற்றோரின் பொறுப்பு. நான், வீட்டில் இருந்தபடியே செய்யும், 'வெப் - டிசைனிங்' வேலையையும், என் மனைவி, வங்கிப் பணியில் இருந்து விருப்ப ஓய்வு பெற்றதால், எங்கள் குழந்தைகளை வீட்டில் இருந்தே படிக்க வைக்க முடிவு செய்தோம்.

பெற்றோர் இருவரும் வேலைக்கு சென்று, தனிமையில் இருக்க நேரும் குழந்தைகளுக்கு, இந்த முறை கொஞ்சம் கடினம் தான். இல்லையெனில், இதற்காக தனி வகுப்புகள் ஏற்பாடு செய்ய நேரிடும்.எங்கள் மூத்த மகள் பள்ளியில், 10ம் வகுப்பு முடித்து, இப்போது வீட்டில் இருந்தே மேல்நிலை வகுப்பைத் தொடர்கிறார். 6ம் வகுப்பை முடித்த இளைய மகனை, நேரடியாக, 10ம் வகுப்பு எழுத, வீட்டிலேயே தயார் செய்து வருகிறோம்.

--தினமலர் நாளிதழிலிருந்து.

தொடர்புடைய பதிவுகள்:
மரபு விளையாட்டுகளைப் பாடத்திட்டத்தில் சேர்க்க வேண்டும்! 
தமிழர் வாழ்க்கை முறையை கற்றுத்தர ஒரு பள்ளி
கண் குறைபாடு நிவர்த்தி மற்றும் குழந்தைகள் கல்வி, உளவியல் பற்றிய காணொளிகள்  
நவோதயா பள்ளிகளின் சிறப்புகள் 
கலந்தாய்வில் கல்லூரிகளை எப்படித் தேர்ந்தெடுப்பது?  
நில், கவனி, செல்! கல்வியிலும் வேண்டும் 
கல்லூரியில் படிக்கும் காலத்தில் இவைகளை கடைபிடித்தால் நன்று 
உயர்கல்விக்குப் பிறகான வேலை வாய்ப்புகள்  
WHAT AFTER 10 & 12?  

வழிகாட்டினால் போதும்; குழந்தைகள் கற்றுக் கொள்வர்!

மாண்டிசொரி (  Montessori ) ஆசிரியர் பயிற்சியை, 15 ஆயிரம் பேருக்கு அளித்துள்ளார், குழந்தை கல்வியாளர் விஜயா: 

 நான் பிறந்தது கும்பகோணம். அம்மா தமிழாசிரியை; அப்பா ஆவின் நிறுவன அதிகாரி. எம்.காம்., - ஐ.சி.டபிள்யூ.ஏ., படித்து, இ.ஐ.டி., பாரி நிறுவனத்தில் ஸ்டெனோவாக பணியாற்றினேன்.வங்கிப் பணியில் சேரலாமே என்ற விருப்பத்தில் தேர்வு எழுதியதில், சிட்டி வங்கியில் வேலை கிடைத்தது; நல்ல சம்பளம். ஆனால், மனம் வேறு எதையோ தேடிக் கொண்டிருந்தது. யாருக்கோ வேலை செய்கிறோம் என்ற எண்ணம்; அடையாளம் இல்லையே என்ற கவலை. 

இந்நிலையில், திருமணம் முடிந்து வேலையை விட்டு, கணவருடன் பாலக்காடு சென்று விட்டேன்.பாலக்காட்டில், 'மலரும் மொட்டுகள்' என்ற பொருளில், 'ப்ளூமிங் பட்ஸ்' என்ற பிளே ஸ்கூல் துவங்கினேன். சென்னையில் அதற்கான மாண்டிசொரி கல்வி முறையிலான ஆசிரியர் பயிற்சியை பெற்றேன். அங்கே தான் குழந்தைகளின் உலகைப் புரிந்து, கற்றுக் கொடுப்பது பற்றிய அனுபவம் கிடைத்தது.எனக்கு ஆண், பெண் இரட்டையர் பிறந்தனர். அவர்களை வளர்க்கும்போதே மாண்டிசொரி முறையைத் தான் பின்பற்றினேன்.

1.ஒரு குழந்தைக்கு உடல் வளர்ச்சி மட்டும் போதாது, உள்ளமும் வளர வேண்டும். 

2.குழந்தைகளின் நடத்தையை அறிந்து கற்பிக்க வேண்டும்; 

3.அதிகாரம் செய்தால் குழந்தைகளுக்கு பிடிக்காது. 

4.பொறுப்பு கொடுக்க வேண்டும். அப்போது குழந்தைகளே கற்றுக் கொள்வர்.

பாலக்காட்டிலிருந்து சென்னை திரும்பி, மாண்டிசோரி ஆசிரியர் பயிற்சி கல்வி நிறுவனத்தை துவங்கினேன். மாண்டிசொரிஎன்றாலே, மனநலம் பாதிக்கப்பட்ட குழந்தைகளுக்கு பயிற்சி அளிக்கும் கல்வி என்று நினைக்கின்றனர்; அது தவறு. அனைத்துக் குழந்தைகளுக்குமான சிறந்த கல்வி முறையாக, மாண்டிசொரி இருந்து வருகிறது. பெற்றோர், இரண்டாவது ஆசிரியர்கள்; ஆசிரியர்கள், இரண்டாவது பெற்றோர் என்று சொல்வர். பெற்றோரைப் பார்த்துத் தான், குழந்தைகள் கற்றுக் கொள்வர்.
குழந்தைகளைப் பற்றிய குறைபாடுகளை, தொடர் கவனிப்பில் தான் அறிய முடியும். அப்போது தான் நடத்தை, உடல் நலம், பேச்சு, உணவு, கற்பித்தல் என அனைத்திலும், மாற்றங்களை செய்ய முடியும். கற்றுக் கொள்வதே தெரியாத வகையில் கற்பிக்கும் முறை.எனவே, குழந்தைகளை சுதந்திரமாக வளர விடுங்கள். பறவை, விலங்குகள், தன் குஞ்சுகளை தன்னிச்சையாக பழக்குகின்றன. பெரும் ஆபத்து என்றால் தான், தாய் பறவை வருவதை பார்த்திருக்கலாம். குழந்தைகளுக்கு வழிகாட்டினால் போதும்; கற்றுக் கொள்வர்.

தேவைகளைப் பூர்த்தி செய்யுங்கள். ஆனால், வசதியை கொடுக்காதீர்; நமக்கு கிடைக்காதவை அவர்களுக்கும் கிடைக்க வேண்டும் என்று, அபரிமிதமான பொருட்களை வாங்கிக் குவிக்காதீர்.குழந்தையை நேருக்கு நேராகப் புகழாதீர். அது, கற்றுக் கொள்வதை நிறுத்தி விடும். குழந்தைகளுக்கு கற்றுக் கொடுப்பதற்காக, நீங்கள் நடிக்க வேண்டும். மிகவும் கூர்மையான கவனம் உள்ளவர்களாக, தற்கால குழந்தைகள் வளர்கின்றனர். சொல்லிப் புரிவதை விட, அவர்களுக்குச் சொல்லாமல் நிறைய புரிகிறது.
கொஞ்ச காலம் தான் நாம் வளர்க்கிறோம். மற்ற காலங்களில் சமூகம் தான் குழந்தைகளை வளர்க்கிறது. 

---தினமலர் நாளிதழிலிருந்து.

தொடர்புடைய பதிவுகள்:
தமிழர் வாழ்க்கை முறையை கற்றுத்தர ஒரு பள்ளி  
வாழ்வியல் கலை விளையாட்டு!
மரபு விளையாட்டுகளைப் பாடத்திட்டத்தில் சேர்க்க வேண்டும்!  
கண் குறைபாடு நிவர்த்தி மற்றும் குழந்தைகள் கல்வி, உளவியல் பற்றிய காணொளிகள்
பெற்றோர்களுக்காக  
 

கலந்தாய்வில் கல்லூரிகளைத் தேர்ந்தெடுப்பது எப்படி?

வா. மணிகண்டன் அவர்களின் நிசப்தம் தளத்திலிருந்து.............

தொடர்புக்கு: vaamanikandan@gmail.com

எப்படித் தேர்ந்தெடுப்பது?

 

(23/02/18 நிலவரப்படி நேரடி கலந்தாய்வு நிறுத்தப்பட்டு, அதற்க்கு பதில் ONLINE கலந்தாய்வு வரவிருக்கிறது)

 பொறியியல் கலந்தாய்வுக்கான தகுதிப்பட்டியல் வெளியாகிவிட்டது. அடுத்தது கலந்தாய்வுதான். இந்தச் சமயத்தில் குழப்பமாகத்தான் இருக்கும். எந்தக் கல்லூரி, எந்தப் பாடப்பிரிவு என்றெல்லாம் மண்டைகாயும். கலை அறிவியல் கல்லூரிகளில் சேர்க்கை முடிவுற்று ‘இனி பொறியியல்தான்’ என்று இருக்கிற இத்தகைய தருணத்தில் தொடர்பு கொள்கிறவர்களுக்குக் பொதுவாகக் காட்டுகிற வழிமுறைகளை எழுதிவிடலாம் என்று தோன்றுகிறது.

1) முதலில் பாடத்தை முடிவு செய்து கொள்ள வேண்டும். மாணவர்களின் ஆர்வத்தின் அடிப்படையில் பாடப் பிரிவுத் தேர்வு இருக்கலாம். ‘எந்தப் பாடத்தை எடுக்கிறதுன்னே தெரியலை’என்று இப்பொழுதும் குழம்பியிருப்பவர்களுக்கு 

Electronics and Communication, 

Electrical, 

Computer science, 

IT, 

Mechanical

என்பதுதான் என்னுடைய பரிந்துரை வரிசை. அதற்காக பிற பாடப்பிரிவுகள் மோசம் என்று அர்த்தமில்லை- தரமான கல்லூரிகள் எனில் பிறப் பாடப்பிரிவுகளைப் எடுப்பது பற்றி யோசிக்கலாம். ஆகாவழிக் கல்லூரியென்றால் பிற பாடப்பிரிவுகளுக்குக் கும்பிடு போட்டுவிடலாம்.

2) பாடப்பிரிவைத் தேர்ந்தெடுத்த பிறகு கல்லூரிகளின் பட்டியலைத் தயாரிப்பது இரண்டாவது முக்கியமான பணி. ஒவ்வொரு மாணவருக்கும் அண்ணா பல்கலைக்கழகத்திலிருந்து ஒரு கையேட்டை வழங்கியிருப்பார்கள். அந்தக் கையேட்டில் தமிழகத்தில் உள்ள அனைத்துக் கல்லூரிகளின் விவரங்களும் இருக்கும். கையேட்டின் உதவியுடன் பட்டியலைத் தயாரிக்க முடியும்.

3) எப்படி கல்லூரிகளின் பட்டியலைத் தயாரிப்பது?

• அரசுக் கல்லூரிகள், அரசு உதவி பெறும் கல்லூரிகளுக்கு எனத் தனித்த பட்டியலைத் தயாரிக்க வேண்டும். சென்னை அண்ணா பல்கலைக்கழகம், பிஎஸ்ஜி, எம்ஐடி, அரசுத் தொழில்நுட்பக் கல்லூரி கோவை என்று கல்லூரிகளின் தரக் குறியீட்டின் அடிப்படையிலேயே இந்தப் பட்டியலைத் தயாரிக்கலாம். 
• இரண்டாவது பட்டியல் தனியார் பொறியியல் கல்லூரிகளை உள்ளடக்கியது. இப்பட்டியலும் கல்லூரிகளின் தரக் குறியீட்டின் அடிப்படையில் இருக்க வேண்டும். 

கல்லூரிகளுக்கான பட்டியல் தயாரிக்கும் போது ‘இது நல்ல கல்லூரியா?’ என்கிற சந்தேகம் வரும். உதாரணமாக மதுரையில் இருப்பவர்களுக்கு சத்தியமங்கலத்தில் இருக்கும் பண்ணாரியம்மன் கல்லூரி பற்றித் தெரியாது. கூகிளில் (College name) engineering college review என்று தேடுவது மிகச் சுலபமான வழி. இரண்டு மூன்று தளங்களில் கல்லூரி பற்றி என்ன சொல்கிறார்கள் என்று படித்துப் பார்த்து முடிவுக்கு வரலாம். என்ன பாடப்பிரிவைத் தேர்ந்தெடுக்கப் போகிறோம் என்பதை முடிவு செய்து கொண்டு மேற்சொன்னபடி கல்லூரிகளின் பட்டியலையும் தயாரிப்பதோடு வேலை முடிவதில்லை. நமக்கு பட்டியலில் இருக்கும் கல்லூரிகளில் இடம் கிடைக்குமா என்கிற தெளிவும் வேண்டும்.

4) உதாரணமாக 189.5 மதிப்பெண்களை(Cut-off) ஆகக் கொண்டிருக்கும் ஒரு மாணவன் கணிப்பொறி அறிவியல் படிக்க விரும்பினால் அவனுக்கு நிச்சயமாக அண்ணா பல்கலைக்கழகத்தில் இடம் கிடைக்காது. ஆகையால் தமது பட்டியலில் அண்ணா பல்கலைக்கழகத்தின் பெயரை வைத்திருப்பது அவசியமற்றது. நீக்கிவிடலாம்.

தமது மதிப்பெண்ணுக்கு எந்தக் கல்லூரியில் இடம் கிடைக்கும் என்று எப்படித் தெரிந்து கொள்வது? 

5) கடந்த ஆண்டில் இதே மதிப்பெண்ணுக்கு அந்தக் கல்லூரியில் இடம் கிடைத்திருக்கிறதா என்று தேட வேண்டும். TNEA 2016 Engineering Admission cutoff என்று கூகிளில் தேடினால் நிறையத் தளங்கள் வந்து விழுகின்றன. தமது கட்-ஆஃப், சாதிப்பிரிவு (OC, BC, MBC, SC) ஆகியவற்றின் அடிப்படையில் தேடினால் நமக்கு குறிப்பிட்ட கல்லூரியில் இடம் கிடைக்குமா கிடைக்காதா என்பதை தீர்மானம் செய்துவிடலாம். ஒரே தளத்தை மட்டும் நம்பாமல் ஒன்றிரண்டு தளங்களிலிருந்து விவரங்களை ஒப்பிட்டுக் கொள்ளலாம்.

6) தம்முடைய மதிப்பெண்ணைவிடக் குறைவான மதிப்பெண்ணுக்குக் கடந்த ஆண்டு இடம் கிடைத்திருந்தால் பச்சை நிறத்தில் குறித்து வைக்க வேண்டிய கல்லூரி அது. நிச்சயமாக இம்முறையும் கிடைத்துவிடும். கடந்த ஆண்டில் நம்முடைய மதிப்பெண்ணைவிடவும் கூடுதலாக அரை மதிப்பெண் அல்லது ஒரு மதிப்பெண்ணுக்குக் கிடைத்திருந்தால் (அதாவது 190 மதிப்பெண்ணுக்கு கடந்த ஆண்டு கிடைத்திருக்கிறது - மாணவனின் மதிப்பெண் 189.5 ) நம்முடைய பட்டியலில் இத்தகைய கல்லூரிகளை சிவப்பு நிறத்தில் குறித்து வைத்துக் கொள்ளலாம்- கிடைத்தாலும் கிடைக்கும். இல்லாவிட்டாலும் இல்லை.

7) கல்லூரிகளின்  பச்சை சிவப்புப் பட்டியலைத் தயாரித்த பிறகு நம் வசதிக்கு ஏற்ப பச்சை நிறக் கல்லூரிகளை ஒழுங்குபடுத்திக் கொள்ள வேண்டும். வசதி என்பதில் குடும்பச் சூழல், நிதிச் சூழல் என பல தரப்பும் உள்ளடக்கம். உதாரணத்திற்குச் சொல்ல வேண்டுமானால் திருநெல்வேலிப் பெண் சென்னையிலும், கோவையிலும் படிக்கத் தயங்கலாம். அப்படியென்றால் தமது பட்டியலில் பச்சை நிறத்தில் குறித்து வைத்திருக்கும் தென் தமிழகத்துக் கல்லூரிகளை முதல் வரிசையில் வைத்துக் கொள்வது வேலையைச் சுலபமாக்கும்.

8) கலந்தாய்வுக்குச் செல்லும் போது இப்பட்டியல் தயாராக இருந்தால் பிரச்சினையே இருக்காது. 🙋🙋 நம்முடைய மதிப்பெண்ணுக்கு எந்தெந்தக் கல்லூரியில் இடம் கிடைக்கும் என்று தெளிவாகத் தெரிந்து வைத்திருப்போம். மதுரை தியாகராஜர் கல்லூரியில் கணினி அறிவியல் என்ற எண்ணத்தில் கலந்தாய்வில் அமர்ந்திருக்கிறோம் என்று வைத்துக் கொள்ளலாம் . நம்முடைய வரிசை வரும் போது ஒருவேளை அந்தக் கல்லூரியில் இடம் காலியாகியிருந்தால் நம் பட்டியலில் அடுத்ததாக இருக்கும் சாலைப் பொறியியல் கல்லூரியில் கணினி அறிவியலைத் தேர்ந்தெடுத்துக் கொள்ளலாம். அதுவுமில்லையென்றால் நம் பட்டியலில் உள்ள அடுத்த கல்லூரி. குழப்பமே இருக்காது.

9) தாம் விரும்புகிற பாடப்பிரிவு கணினி அறிவியல் என்றாலும் இன்னும் ஒன்றிரண்டு பாடப்பிரிவுகளைத் தேர்ந்தெடுத்து அப்பாடப்பிரிவுகளுக்கும் இதே போன்ற பட்டியலைத் தயார் செய்து வைத்துக் கொள்வது நல்லது. கடைசி நேரக் குழப்பங்களைத் தவிர்க்க உதவும். சற்று மெனக்கெட்டால் இரண்டு மூன்று நாட்களில் நமக்கான இப்பட்டியலைத் தயாரித்துவிட முடியும். பிறகு ஒன்றிரண்டு பேர்களிடம் கலந்தாலோசித்து சிற்சில மாற்றங்களைச் செய்து இறுதி செய்து கொள்ளலாம்.மிக எளிமையான காரியம் இது. ஆனால் பெரும் சுமையைக் குறைத்துவிடும்.

ப்ளஸ் டூ முடித்துவிட்டு பொறியியல் சேர்வதற்குத் தயாராக இருப்பவர்களுக்கான குறிப்புகள் இவை என்பதால் அத்தகைய மாணவர்களிடமோ, கல்வி நிறுவனங்களிடமோ பகிர்ந்து கொள்ளுங்கள். அதற்காக எழுதப்பட்ட பதிவு இது.

தொடர்புக்கு: vaamanikandan@gmail.com

வாழ்த்துக்கள்.

 

தொடர்புடைய பதிவுகள்:
மரபு விளையாட்டுகளைப் பாடத்திட்டத்தில் சேர்க்க வேண்டும்! 
தமிழர் வாழ்க்கை முறையை கற்றுத்தர ஒரு பள்ளி
கண் குறைபாடு நிவர்த்தி மற்றும் குழந்தைகள் கல்வி, உளவியல் பற்றிய காணொளிகள்  
நவோதயா பள்ளிகளின் சிறப்புகள் 
பள்ளிக்கு போகாமலே.......தேசிய திறந்த நிலை பள்ளிக்கல்வி (NIOS) 
நில், கவனி, செல்! கல்வியிலும் வேண்டும் 
கல்லூரியில் படிக்கும் காலத்தில் இவைகளை கடைபிடித்தால் நன்று 
உயர்கல்விக்குப் பிறகான வேலை வாய்ப்புகள்  
WHAT AFTER 10 & 12?  

நில், கவனி, செல்! கல்வியிலும் வேண்டும்

எனக்கு கிடைத்த நேரடி அனுபவத்தையும், படித்த ஒரு செய்தியையும் பகிர்வதே இந்த பதிவு. நாம் எங்கிருக்கிறோம், எங்கு செல்கிறோம் என்பதை தெளிவு செய்து பயணத்தை துவக்குவது என்பது கண்மூடித்தனமாக மற்றவர்களுடன் போட்டியில் ஓடுவதை விட சாலச் சிறந்தது. பள்ளி, கல்லூரி, பணியில்  இங்கெல்லாம் நமக்கான சுய அடையாளத்தை ஏற்படுத்த இந்த சுய பரிசோதனை மிக அவசியம்.

நேரடி அனுபவம்:

ராஜேஷ் என்ற நண்பர் ஒருவர் ஆசிரியப் பணியில் உள்ளார், வேதியியலில் முனைவர் பட்டம் பெற்றவர். முதுகலை பட்டம் முடித்து ஒரு வருடம் வேலை எதுவும் செய்யவில்லை, என்ன? என்று விசாரித்தால்,

"எனக்கு படிப்பில் அதிக ஆர்வம் உள்ளது ஆனால் நான் வாங்கிய முதுகலை பட்டத்திற்கு நான் தகுதியானவன் என்ற நம்பிக்கை எனக்கு வரவில்லை. அதனால் ஒரு வருடம் வேலைக்கு எங்கும் செல்லாமல் முதுகலை பாடங்களை திரும்ப திரும்ப எனக்கு நம்பிக்கை வரும் வரை படித்து நான் முதுகலை பட்டத்திற்கு தகுதியானவன் என்ற நம்பிக்கை வந்ததும் ஆராய்ச்சி படிப்பிற்கு சென்றேன். எனவே அந்த ஒரு வருடம் வீண் என்று நினைக்கவில்லை என் எதிர்காலத்திற்கான அடித்தளத்தை மறு ஆய்வு செய்ததாகவே நினைத்துக்கொண்டேன்" 

என்கிறார், நான் அப்படியே ஷாக் ஆயிட்டேன்.

படித்தது:

சாகரிகா சிவகுமார் நம்ம திருச்சி பொண்ணுதான் இவங்க, இப்போ பதினொன்றாவது படிச்சிக்கிட்டிருக்காங்க. பத்தாவது முடித்த பிறகு (நம்ம ஊர்ல இருக்குற நடைமுறைதான் தெரிந்ததாயிற்றே அனைத்து கட்டுப்பாடுகளையும் நம் மீது திணித்து புத்தகத்தை தவிர வேறு எதையுமே தொட விடமாட்டார்கள் ) பதினொன்று பனிரெண்டாம் வகுப்பு பாடங்களையும் அழுத்தங்களையும் தாங்க முடியாது என்று நினைக்க, அவரது பெற்றோரும் குழந்தைக்கு பக்குவம் வந்த பிறகு படிக்க வைக்கலாம் என்று ஒரு வருடம் பள்ளி கல்வி வேண்டாமென முடிவெடுத்தனர்.

பள்ளிக்கு செல்ல வேண்டாம் என்று சொல்லி ஊர் சுற்ற அனுப்பாமல் தினசரி செயல்பாட்டுக்கான அட்டவனை கொடுத்து அதன்படி தங்கள் மகளை செயல்பட வைத்திருக்கிறார்கள். 

அதன் பிறகு தனது ஒரு வருட "பள்ளி செல்லா வாழ்க்கையை" பற்றி புத்தமாக அவரே எழுதி வெளியிடுமளவிற்கு பக்குவமும், அனுபவத்தையும் பெற்று விட்டார்.  கீழே உள்ள காணொளியை பார்த்து தெரிந்து கொள்ளுங்கள்.

தற்போதுள்ள கல்வி முறை ஏறக்குறைய அணைத்து நாடுகளிலும் , Finland ஐ தவிர, தகவல்களை திணிக்கும் கல்விமுறையாகவே உள்ளது. 

நம்முள் இருக்கும் படைப்பாற்றலை வெளிக்கொணருவதற்கு Finland ல் உள்ள ஆசிரியர்கள் மற்றும் கல்வி முறை போலவும, சாகரிகாவின் பெற்றோர் போலவும் யாராவது இருந்தால்தான் உண்டு. 

கல்வி என்பது நம் மீது நமக்கு நம்பிக்கை ஏற்படுத்துவதாக இருக்க வேண்டும், அதுவே நமது அடுத்த தலை முறைக்கு இன்றைய தேவை. 

16-year-old Takes Break After Class 10, Writes Book 'My Unskooled Year' 

The People Agenda 2017: Sagarikka Sivakumar 
My Unskooled Year Paperback
 

இன்றைய குழந்தைகள் தானே நாளைய தலைவர்கள், நாளைய சமுதாயம்.

தொடர்புடைய பதிவுகள்:
மரபு விளையாட்டுகளைப் பாடத்திட்டத்தில் சேர்க்க வேண்டும்! 
தமிழர் வாழ்க்கை முறையை கற்றுத்தர ஒரு பள்ளி
கண் குறைபாடு நிவர்த்தி மற்றும் குழந்தைகள் கல்வி, உளவியல் பற்றிய காணொளிகள்  
நவோதயா பள்ளிகளின் சிறப்புகள் 
பள்ளிக்கு போகாமலே.......தேசிய திறந்த நிலை பள்ளிக்கல்வி (NIOS) 
கலந்தாய்வில் கல்லூரிகளை எப்படித் தேர்ந்தெடுப்பது?  
கல்லூரியில் படிக்கும் காலத்தில் இவைகளை கடைபிடித்தால் நன்று 
உயர்கல்விக்குப் பிறகான வேலை வாய்ப்புகள்  
WHAT AFTER 10 & 12?  

கல்லூரியில் படிக்கும் காலத்தில் இவைகளை கடைபிடித்தால் நன்று

மாணவ பருவம் என்றும் இனிமையானதே, அதிலும் கல்லூரிக் காலம் போன்ற பொன்னான நாட்கள் நமக்கு கிடைத்திருந்தால் அது வரமே. கல்லூரி படிப்பிற்கு பின் என்ன செய்ய போகிறோம் என்ற ஒரு கேள்வியோடு உள்நுழைந்து அதற்க்கு விடையுடன் வெளிவந்தால் அதைவிட இனிமை எதுவும் இருக்க முடியாது. கீழே கொடுக்கப்பட்டுள்ள விஷயங்களை கடைபிடித்தால் கல்லூரியை விட்டு தன்னம்பிக்கையோடு வெளி வரலாம்.

1) ஆங்கில வழி உரையாடல் சரளமாக பேச தெரிந்துகொள்வது பல வழிகளில் உதவும். உங்களை பற்றி (Self Introduction) சொல்லச் சொன்னால் குறைந்தது 1 நிமிடம் தங்கு தடையின்றி ஆங்கிலத்தில் சொல்ல தெரிந்திருக்க வேண்டும். இந்த இணைப்பில் சில உதாரணங்கள் உள்ளது (HOW TO GIVE SELF INTRODUCTION IN ITERVIEW). அதோடில்லாமல் உங்களுக்கு பிடித்த பாடம் (Favorite subject) பற்றி பேசச் சொன்னால் 5 நிமிடங்கள் பேசுமளவிற்கு ஆங்கிலத்தில் தயார் செய்து வைத்து கொள்ளுங்கள். இவை நேர்காணலின் (Interview) போது  உதவும்.

2) கணிப்பொறி சார்ந்த ஏதாவதொரு course சென்று certificate வைத்திருப்பது நல்லது. தற்போதைய trend ல் உள்ள ஒரு Computer Language அல்லது Basic Computer Course தெரிந்திருப்பது கூடுதல் சிறப்பு.

3)  Inter college competition, Summer Internship மற்றும் Conference போன்றவற்றில் பங்கேற்பது மிக  மிக அவசியம். நிறைய நட்பூக்களும்,  தொடர்புகளும்  கிடைக்கும். நமது Resume value உயரும். Summer Internship தேடுதலுக்கு உதவ தனி இணைய தளம் உள்ளது  

http://www.twenty19.com/. 
  
இந்திய மாணவர்களுக்கு இந்தியா மற்றும் வெளிநாடுகளில் கிடைக்க கூடிய scholarship/loan  விபரங்கள்  பற்றிய தகவல்கள் 

https://www.scholarshipsinindia.com/ 
http://www.scholarships.gov.in/ 
http://mhrd.gov.in/scholarships-education-loan 
http://scholfin.com/ 
http://www.motachashma.com/ 
https://www.topuniversities.com/ 
https://www.wemakescholars.com/ 

4) College Seniors உடன் என்றும் தொடர்பில் இருங்கள். வேலை நிலவரம் பற்றிய தகவல்கள் மற்றும் அவர்களின் அனுபவங்கள் உங்களுக்கு உதவியாய் இருக்கும். 

5) முடிந்தால் Part time job ஒன்று செய்ய முயற்சி செயுங்கள்.

6) இந்த துறைக்கு அல்லது இந்த பணிக்குதான் செல்வேன் என ஒரு குறிக்கோள் வைத்து வேலை செய்யுங்கள் / படியுங்கள். மனதளவில் இயங்கி கொண்டே இருக்க இந்த குறிக்கோள் உதவும். கல்லூரியில் சேர்ந்த முதல் வருடம் அல்லது முதல் ஆறு மாதம் இந்த குறிக்கோளை தேர்ந்தெடுக்க பயன்படுத்தி கொள்ளுங்கள்.

7) Extra curricular activities like Sports, Singing, Playing  instruments, Drawing, Martial Arts, Swimming, Trekking, Poem writing, Learning new language, etc..  இப்படி உங்களது கவனத்தையும், படைப்பாற்றலையும், சக்தியையும் கோரும் ஏதாவது ஒரு செயலில் ஈடுபட்டிருப்பது அவசியம். 


இன்றைய நிலை: 
 

முடிந்த வரை On campus / Off  Campusல் வேலை பெற முயற்சி செய்யுங்கள். 

Reference இல்லாமல் சொந்த முயற்சியில் வேலை கிடைப்பது  சிறிது கடினம். 

கொஞ்சம் பொறுத்திருந்தால் / முயற்சி செய்தால் consultancy மூலமாக வேலைக்கு சேரலாம்  ஆனால் 3-4 மாத சம்பளத்தை consultancyக்கு நாம் கொடுக்க வேண்டும். 

நீங்கள் விரும்பிய வேலை  கிடைக்கவில்லை என்றால் காத்திருங்கள் அல்லது கிடைத்த வேலையில் சேர்ந்து விரும்பிய வேலைக்காக முயற்சி செய்துகொண்டே இருங்கள். முயற்சி வெற்றியை தரும்.

இது எனது/என்னை சுற்றி நடந்த அனுபவம், அதாவது average middle class மாணவர்களின் நிலைமை. இந்த சூழ்நிலை உங்களுக்கு வரலாம் வராமலும் போகலாம். ஆகவே பயப்பட ஒன்றுமில்லை, இலக்கு வைத்து செயல்படுங்கள். இழக்க ஒன்றுமில்லை உங்களிடம்  (மாணவர்களிடம் ), இந்த உலகில் அடைய நிறையவே இருக்கிறது. 

தொடர்புடைய பதிவுகள்:
WHAT AFTER 10 & 12?  
நில், கவனி, செல்! கல்வியிலும் வேண்டும் 
உயர்கல்விக்குப் பிறகான வேலை வாய்ப்புகள் 
மரபு விளையாட்டுகளைப் பாடத்திட்டத்தில் சேர்க்க வேண்டும்! 
தமிழர் வாழ்க்கை முறையை கற்றுத்தர ஒரு பள்ளி
கண் குறைபாடு நிவர்த்தி மற்றும் குழந்தைகள் கல்வி, உளவியல் பற்றிய காணொளிகள்  
நவோதயா பள்ளிகளின் சிறப்புகள் 
பள்ளிக்கு போகாமலே.......தேசிய திறந்த நிலை பள்ளிக்கல்வி (NIOS) 
கலந்தாய்வில் கல்லூரிகளை எப்படித் தேர்ந்தெடுப்பது?